സംസ്ഥാനത്തെ ഹയർ സെക്കൻഡറി പരീക്ഷാ നടത്തിപ്പിൽ സുരക്ഷ ഉറപ്പാക്കുന്നതിന് ക്യൂആർ കോഡ് അടിസ്ഥാനമാക്കി പ്രവർത്തിക്കുന്ന ‘കൈറ്റ് – ക്യൂ ട്രാക്ക് ‘ സംവിധാനം കൈറ്റ് പുറത്തിറക്കി. പരീക്ഷയുടെ ചോദ്യപ്പേപ്പർ പാക്കറ്റ് തുറക്കുന്നതു മുതൽ ഉത്തരക്കടലാസുകൾ മൂല്യനിർണയ ക്യാംപിലേക്ക് അയയ്ക്കുന്നതു വരെയുള്ള മുഴുവൻ കാര്യങ്ങളും തത്സമയം ട്രാക്ക് ചെയ്യാൻ കഴിയും. പ്രവേശനം മുതൽ ഫലപ്രഖ്യാപനം വരെ മുഴുവൻ പരീക്ഷാ പ്രക്രിയയും പൂർണമായി ഓട്ടമേറ്റ് ചെയ്യുന്നതിന്റെ ഭാഗമാണ് ഈ സംവിധാനം.