ഹംഗറിയിലെ എഴുത്തുകാരൻ ലാസ്ലോ ക്രാസ്നഹോർകയ്ക്ക് (71) സാഹിത്യ നൊബേൽ. ക്രാസ്നഹോർകയ്‌യുടെ മായാമയമായ രചനാ പ്രപഞ്ചം കലയുടെ കരുത്തിന് അടിവരയിടുകയാണെന്ന്  പുരസ്‌കാരം പ്രഖ്യാപിച്ചു കൊണ്ടു നൊബേൽ സമിതി നിരീക്ഷിച്ചു.

1985 ൽ പുറത്തിറങ്ങിയ സെയ്റ്റൻടാൻഗോ എന്ന ആദ്യ നോവലിലൂടെത്തന്നെ ഹംഗേറിയൻ സാഹിത്യത്തിൽ ഇടം നേടിയ ക്രാസ്‌നഹോർകയ്‌യുടെ ദ് മെലങ്കൊളി ഓഫ് റെസിസ്റ്റൻസ് (1989), വാർ ആൻഡ് വാർ (1999), എ മൗണ്ടൻ ടു ദ് നോർത്ത്, എ ലേക്ക് ടു ദ് സൗത്ത് (2003), ബാരൺ വെങ്ക്ഹെയ്‌മ്സ് ഹോംകമിങ് (2016), ഹെർഷ്ട് 07769 (2021) തുടങ്ങിയ രചനകൾ ഏറെ ശ്രദ്ധ നേടി.

സെയ്റ്റൻടാൻഗോ ഉൾപ്പെടെയുള്ള നോവലുകൾ പ്രശസ്‌ത ഹംഗേറിയൻ സംവിധായകൻ ബീലതാർ സിനിമയാക്കിയിട്ടുണ്ട്.