മലയാള സിനിമയിലെ സമഗ്ര സംഭാവനയ്ക്ക് സംസ്ഥാന സർക്കാർ നൽകുന്ന പരമോന്നത പുരസ്‌കാരമായ ജെ.സി. ഡാനിയൽ അവാർഡ് (5 ലക്ഷം രൂപ) നടി ശാരദയ്ക്ക്. 1992 മുതൽ ഏർപ്പെടുത്തിയ പുരസ്കാരം നേടുന്ന മലയാളിയല്ലാത്ത ആദ്യ വ്യക്തിയാണ് ആന്ധ്രപ്രദേശ് സ്വദേശിയായ ശാരദ. 1965 മുതൽ കേരളത്തിനു സുപരിചിതയായ ശാരദ 125 മലയാള സിനിമകളിൽ അഭിനയിച്ചിട്ടുണ്ട്. മലയാളത്തിലൂടെ തന്നെ മികച്ച നടിക്കുള്ള ദേശീയ പുരസ്കാരം 2 തവണ നേടി. ജനുവരി 25നു തിരുവനന്തപുരം നിശാഗന്ധിയിൽ സംസ്ഥാന ചലച്ചിത്ര അവാർഡ് സമർപ്പണച്ചടങ്ങിൽ മുഖ്യമന്ത്രി പിണറായി വിജയൻ പുരസ്കാരം സമ്മാനിക്കും.