കൊല്ലത്തിന്റെ കഥ പ്രമേയമാക്കിയ ആദ്യ ഇംഗ്ലിഷ് നോവൽ പ്രകാശനം ചെയ്തു. കൊല്ലം സ്വദേശിയും അധ്യാപകനുമായ ഡോ. കിഷോർ റാം രചിച്ച ‘ദ ഡെഡ് നോ നത്തിങ്’ എന്ന കൃതി എഴുത്തുകാരൻ സുഭാഷ് ചന്ദ്രൻ ആദ്യപ്രതി കവി പി.രാമനു കൈമാറി പ്രകാശനം ചെയ്തു. പെൻഗ്വിൻ ആണ് പുസ്‌തകം പുറത്തിറക്കുന്നത്. കൊട്ടിയം എൻഎസ്എസ് കോളജ് ഇംഗ്ലിഷ് വിഭാഗം പ്രഫസറും ശ്രീനാരായണഗുരു ഓപ്പൺ സർവകലാശാല ബോർഡ് ഓഫ് സ്റ്റഡീസ് ചെയർമാനുമാണു ഡോ. കിഷോർ റാം.